கவிதை

கண் அசைந்தால்

காதலா

காமமா

கோவமா

கனிவா என

கை பிசைந்து

காணவே

கரை புரண்டு ஓடிவிட்டது

காலம் எனக்கு

உரைப்பாய் சமைத்து

உனக்கு பரிமாறினால்

உரைப்பது இல்லை ஓரு

வார்த்தை

உப்பு ஓரு நாள்

உதவாமல்

விதைப்பு இல்லா

உணவாகினால்

வர்ணங்கள் நம்

வீட்டு மேசை எங்கும்

வீட்டில் சோற்றை சுமந்து

வெறிக்கும் என் பார்வையில்

விரிந்து

மகரந்தமாய்

மலர் சூடி

மணம் வீச

மடித்து தழுவிய

மாம்பிஞ்சு புடவையில்

மனசுக்கு அருகிலே நின்றாலும்

மலர்ச்சியாய் ஒன்றும்

மாறுவதில்லை உன் முகம்

மாறுதலாய் கொஞ்சம் என்னையும் கவனிப்பாய்

மறு நிமிடம் திறும்பிவிடும் உன்

மன கவனம்

மலையாய் குவிந்து இருக்கும்

மடல்களின் மீது என்னிடம்

மகிழ்ந்து என்ன

மொழிவது என்றோ

மடல்கள் கவசமாய் உன்னை

மறைக்க விரும்புகிறாய்

சுருக்கமாய் என் மனது

சோர்வை

சுமந்து வாசல் நோக்கி

செல்லும் கால்கள்

இத்தனை கவனமாய் என்னை

இயற்றிய

இறைவன் மேல் சின்னதாய்

இயலாமல் எழுந்து அமுங்கும் கோவம்

இருக்கட்டும் என்னை தான்

இப்படி ஒரு நிலையில்

இருத்தி விட்டாய்

இங்கே யரேனும்

இழந்து

இருக்கின்றனறோ உன் கவனம் எல்லாம் என்று

இறைச்சலாய் ஒரு கேள்வி

என் எண்ணங்கள் அறிய பெற்ற

எனக்கு உதித்த இளவல்களும்

எக்கமாய்

பல முறை பத்து

படி ஏறி சோர்ந்து இரண்டு

படி இறங்கி உன்னிடம்

படித்தது என்னவோ

பயன் இல்லா

பாசங்கள் தான்

உறவற்ற ஓரிடம்

உனக்கு புகலிடமாய்

உரையாமல்

உதிரத்தாலும் உள்ளார்ந்த அன்பை சுமந்த நாங்கள் எப்படி

உன் உறவுகளாய்

உடமைகளாய் ஆனோம்.....ஆக்கப்பட்டோம்

விளைந்திடாத

விதையாய் நான்

விட்டு செல்லும் கேள்வி இது தானோ!

இராஜகனி

மங்களம் தரும் கனி, நம் விட்டில் பெண்கள் தினம் தினம் உண்வாகவும், மருந்தாகவும், பயன்படுத்தும் கனி நம் நலவாழ்விற்கு பெரிதும் பயன்படும் எலுமிச்சம்பழம் தான் ’இராஜகனி’.

சித்த மருத்துவம்:
1.வெப்பத்தைக்குறைக்கும்.
2.உடலைத்தூய்மைப்படுத்தும்.
3.மூளையின் வளர்ச்சியையும், இயக்கத்தையும் மேம்படுத்தும்.
4.வாதத்தை விலக்கும்.
5.இருமல் மற்றும் தொண்டைநோய்களை குணப்படுத்தும்.
6.மூலத்தைக்கரைக்கும்.
7.விஷங்களை முறிக்கும்.
8.உடல் பருமனை குறைக்கும்.
9.வயிற்று வலி ம்ற்றும் உப்பசத்தை குணப்படுத்தும்.

பொதுவாக உடல் நலம் தொடர்பாக, இது ஆற்றும் உதவிக்கு ஈடாக வேறு எந்தக்கனியையும் கூற முடியாது.அதனால் தான் இதற்கு இராஜகனி என்று பெயர் வந்தது!!

டாக்டர் பிளன் என்ற ஜெர்மானிய மருத்துவர் எலுமிச்சைபற்றிய ஆராய்ச்சி செய்தார். 1875 ஆம் ஆண்டு தன் ஆராய்ச்சி முடிவை அறிவித்தார். கெட்ட இரத்தத்தைத் தூய்மைபடுத்தும் மருந்துகளில் எலுமிச்சைப்பழத்தைவிட சிறந்த மருந்து வேறு எதுவும் இல்லை
என்று கண்டறிந்தார்.

இரத்தக்குழாய்களைத் தூய்மைப்படுத்தும்:
தொற்று நோய் கிருமிகளை உடலில் வளர விடாதபடி தடுக்கும் வைட்டமின் ‘சி’ சத்து எலுமிச்சைச் சாற்றில் உள்ளது. இச்சாறு இரத்தக்குழாய்களைத் தூய்மைப்படுத்தி, அவைகளைப் நன்றாக இயங்குவதற்கு எலுமிச்சை உதவுகிறது.

உலகப்போரில் எலுமிச்சை:
இராண்டாம் உலக யுத்தத்தின் போது, காயம் பட்ட வீரர்களுக்கு காயம்பட்ட இடத்தில், இரத்தம் வடிவதை நிறுத்த எலுமிச்சை சாற்றைப் பயன்படுத்தினார்களாம்.

மூச்சு திணரலை குறைக்க:
உயரமான மலையின் மேல் சென்றால் பிராணவாய்வு குறைவாக இருக்கும். இதனால் மூச்சு திணரல் ஏற்பட வாய்ப்பு அதிகம். அந்தமாதிரி சமயங்களில்,எலுமிசைச்சாறு அருந்தினால் மூச்சு திணரல் குறையும்.

இளமை நீடிக்க:
நமது உடலானது கோடிக்கணக்கான உயிர் அணுக்களால் ஆனது. தினமும் உயிர் அணுக்கள் சிதையும். சிதையும் நுண்ணுயிர்களுக்கு ஈடாக உயிர் அணுக்கள் உருவாகும். அதனால் உடல் ஆரோக்கியமாக இருக்கும். சிதைந்த உயிரணுக்களை உருவாக்கும் சக்தி எலுமிச்சைக்கு உண்டு.உயிரணுக்கள் சிதைவதற்கு ஈடாக உற்பத்தியானால் இளமை நீடிக்கும் குறைந்தால்...............?

கதிர் இயக்க ஆற்றலைக் குறைக்கிறது:
எலுமிச்சைப் பழத்தில் “பயோஃபிளேவின்” என்ற சத்து உள்ளது. இது கதிர் இயக்க ஆற்றலைக் குறைக்கிறது என்பது விஞ்ஞானிகள் அய்வு முலம் கண்டுபிடிக்கப்பட்டுள்ளது. அணுகுண்டு,ஹைட்ரஜன் குண்டுகளில் கதிர் இயக்க ஆற்றலினால் ம்னிதர்களுக்கு பெரியப்
பாதிப்பினை எற்ப்படுத்துகிறது. இந்த கதிர் இயக்க ஆற்றலினால் ஏற்படும் பாதிப்புகளைக் குறைக்கும் ஆற்றல் எலுமிச்சை பழத்திற்கு உண்டு.

பற்கள் பிரகாசிக்க:
எலுமிச்சம்பழத்தோலை வெய்யிலில் காய வைத்து பொடியாக்கி உப்பு உடன் கலந்து தினமும் பல் தேய்த்து வந்தால் பற்களில் கறை நீங்கி, பற்கள் தூய்மையாக இருப்பதோடு, வாய் துர் நாற்றம் நீங்கும்.

கல்லீரல் ஆரோக்கியத்திற்கு:
எலுமிச்சைச்சாறு ஒரு ஸ்பூன், தக்காளிச்சாறு மூன்று ஸ்பூன், தேன் ஒரு ஸ்பூன் ஆகியவற்றை இளம் சூடான தண்ணீரில் கலந்து சாப்பிட்டு வந்தால் கல்லீரல் ஆரோக்கியமாக இருக்கும்.